Puisi
TOPANGGENI REME
NU ALA TALA
KARYA / NOKARA : ARWIN. ABD. HALIM
SANJOBU LIMATU
MPAE NALIU
KEDO MANUSIA
RAI SANGGA NOTO
PUKO, DOYO,
BUTA TARU NOMPAKA SAONGU
DAKO NTE
MANUSIA TEMPO LIURU
BARHALA NIPOVIA
RI NGAPA-NGAPA
DIPAJADI ALA
TALA BO NI SOMBA-SOMBA
MOBINE RAI
NARIA ANGGA-ANGGANA
NI PO BATUA
NAFSU SAMPE NABASA
TAPI
KAPORONA………..
NARATA
TOPANGGENI REME NU ALA TALA
NOMPAKA NOTO
LARA NTODEA
ALA MO
SIMPOTOVE ANTE SALARA
IA NARATA RIARA
DUNIA
NOMPAKA LOMPE
ANTE MANUSIA
ALA RAI MOVIA
JA A
ALA MASALAMA
KATUVUANA
MANUSIA NATUVU
NOSIAMASEI
RAI NARIA
NOSINJALA NGEI
NOMPAOSEAKA
PANUNTU NU NABI
NABI MUHAMMAD
SALALLAHU ALAIHI WASSALAM AL-AMIIIN
TABE SONGGO
MPOASI
No comments:
Post a Comment